Os obxectivos deste contrato é dotar á degustación da Festa do Salmón dun ambiente cómodo e agradable. A Degustación Popular é o evento principal da festa. O domingo pola mañá, entre as doce e as tres da tarde, todo aquel que se achegue á Estrada pode degustar, por un módico prezo, un prato onde o principal actor é o salmón. Unha gran cantidade de receitas, elaboradas polos distintos restauradores da vila, son expostas para que a xente elixa e saboree os distintos pratos. Asociacións, panadarías e restaurantes son os principais colaboradores desta cita gastronómica, que presenta cada ano innovadoras receitas elaboradas tomando o salmón coma principal ingrediente.