Prestación do servizo de apoio loxístico, tanto en labores preventivas como de intervención nas emerxencias, mediante a mobilización pola empresa adxudicataria de recursos especializados da AXEGA, co fin de complementar as necesidades operativas dos distintos servizos de intervención directa en emerxencias ou das Administracións competentes en materia de seguridade, protección civil ou protección do medio ambiente, durante as 24 horas todos os días do ano, en todo o territorio de Galicia e, de resultar preciso en virtude do cumprimento da normativa vixente ou dos acordos que poidan establecerse, en calquera punto de España ou Portugal.